Overblog
Edit post Follow this blog Administration + Create my blog
Raabbiirraa Oromiyaa

በሶማሌ ክልል ጅግጅጋ የተነሳው ብጥብጥ ወደ ሌሎች አካባቢዎች እየተስፋፋ ነው

August 4 2018 , Written by በሶማሌ ክልል ጅግጅጋ የተነሳው ብጥብጥ ወደ ሌሎች አካባቢዎች እየተስፋፋ ነው

በሶማሌ ክልል ጅግጅጋ የተነሳው ብጥብጥ ወደ ሌሎች አካባቢዎች እየተስፋፋ ነው

ቅዳሜ ሐምሌ 28 ቀን 2010 ዓ.ም. በሶማሌ ክልል ጅግጅጋ ከተማ የተከሰተው ሁከትና ብጥብጥ ወደ ሌሎች የክልሉ ከተሞች እየተስፋፋ መሆኑ ታወቀ፡፡

የሪፖርተር ምንጮች ከስፍራው እንዳስታወቁት፣ የክልሉ ተወላጆች ከሌላ ስፍራ የመጡ ግለሰቦችን በመለየት እያጠቁ ሲሆን፣ ንብረቶች እየተዘረፉና ቤቶች እየተቃጠሉ ነው፡፡

የኢትዮጵያ መከላከያ ሠራዊት ጣልቃ እንደገባና በርካቶች ከቤታቸው መውጣት ባለመቻላቸው በድብቅ እንዳሉም ምንጮቹ ገልጸዋል፡፡

የመከላከያ ሚኒስቴር ምሽቱን ባወጣው መግለጫ እንዳስታወቀው፣ ‹‹በዛሬው ዕለት በሶማሌ ክልል በጅግጅጋ ከተማ የተከሰተው ብጥብጥ፣ ቀጥሎም ወደ ሌሎች አንዳንድ የክልሉ ከተሞች የተዛመተው ሁከት በምንም መልኩ ተቀባይነት የሌለውና በፍጥነት ሊገታና ሊታረም የሚገባው ድርጊት ነው።

‹‹የአገር መከላከያ ሠራዊታችን ከሌሎች የፀጥታ ኃይሎች ጋር በመሆን የተከሰተውን ሁከት በቅርበት ሲከታተል፣ ሁኔታውን ለመቆጣጠርና ኅብረተሰቡን ለማረጋጋት ጥረት እያደረገ የነበረ ቢሆንም፣ ብጥብጡ በተፈለገው ፍጥነት ሊቆም አልቻለም።

‹‹በመሆኑም በክልሉ የሕዝቦቻችን ሰላምና ደኅንነት አደጋ ውስጥ እየገባ ያለበት ሁኔታ በመፈጠሩ፣ የመከላከያ ኃይላችን ሁከትና ብጥብጡን በዝምታ የማይመለከት መሆኑንና የአካባቢውን ሰላም ለማረጋገጥ ሕገ መንግሥታዊ ሥርዓቱን ጠብቆ አስፈላጊውን እርምጃ የሚወስድ መሆኑን በጥብቅ ያሳስባል፤›› ብሏል፡፡

ከጅግጅጋ በተነሳውና ወደ ሌሎችም ከተሞች በተንሰራፋው ግጭት ቤተ ክርስቲያን፣ ባንክ፣ የንግድ ተቋማትና የመኖሪያ ቤቶች መቃጠላቸውን ከምንጮች ማረጋገጥ ተችሏል፡፡

በጅግጅጋ ከተማ ከዛሬ ጀምሮ ለሦስት ቀናት የሚካሄድ የሰላም ጉባዔ ተዘጋጅቶ የነበረ ቢሆንም ሳይካሄድ ቀርቷል፡፡

FacebookTwitterLinkedInShare
Share this post
Repost0
To be informed of the latest articles, subscribe:
Comment on this post